CAMPAIGN PETITION TO REMOVE EDWARD VIII STATUE AT OLD COLLEGE UCW ABERYSTWYTH.
https://www.change.org/p/aberystwyth-university-college-removal-of-the-edward-viii-statue-from-the-site-of-the-old-college-aberystwyth-cymru?recruiter=290305657&utm_source=share_petition&utm_medium=facebook&utm_campaign=share_petition&utm_te
Deiseb
Fel
canlyniad i'r modd milain a chyhoeddus bu i George Floyd gael ei ladd yn
Minneapolis, Minesotta yn ddiweddar, bu llu o brotestiadau yn yr Amerig a
Phrydain a bu i'r protestiadau hyn sparduno deffroad a chydnabyddiaeth o'r
newydd o hanes trefedigaethol Prydain ledled y byd. Mae'r deffroad yma wedi
annog protestwyr cynddeiriog i droi eu sylw tuag at symbolau o goloneiddio,
megis placiau a cherfluniau yn bennaf, ac mae hyn, hyd yma, wedi arwain tuag at
gael gwared â cherfluniau o Christopher Columbus yn yr Amerig yn ogystal ag un
o Edwart Colston ym Mryste, Lloegr.
Mae
Cymru hefyd, wrth gwrs, yn drefedigaeth o Brydain ac mae 'na ddigonedd o
symbolau trefedigaethol,bydded iddyn nhw fod mewn ffurfiau placiau, cherfluniau
neu enwau strydoedd wedi eu gosod mewn lle ar hyd a lled ein cenedl i glodfori
a choffau ein coloneiddwyr ni. Felly, yn yr oes gwawriol sydd ohoni lle mae'r
Cymry yn mynegi hyder o'r newydd yn eu cenedligrwydd drwy, unwaith eto,
orymdeithio ar hyd y ffordd i Annibyniaeth, oni ddylem ninnau, yn ogystal, fod
yn troi ein sylw tuag at waredu ein tir o'r atgofion dyddiol yma o'n sefyllfa
drefedigaethol?
O achos
y rhesymau a roddir, mae Llysgenhadaeth Glyndŵr yn galw ar Brifysgol Cymru,
Aberystwyth i gael gwared ar y cerflun o Edwart VIII a godwyd ar dir yr Hen
Goleg.
Wedi i'r
Edwart yma ildio coron Lloegr, adnabyddid ef fel Dug Windsor, cefnogwr a
chydweithredwr brwd â'r Natsïaid a merchetwr o fri ac wedi iddo ildio'r goron,
roddwyd y swydd o Lywodraethwr ar y Bahamas bell iddo, lle bu iddo ddatblygu i
fod yn Lywodraethwr llygredig; dim y math o bersonoliaeth sy'n addas fel
rôl-model i fyfyrwyr nac i neb arall.
Mae'r
llofnodion ar y ddeiseb yn ardystio i'r alwad i'r cerflun dan sylw gael ei godi
a'i ddiddymu o Gymru gan ei fod yn sumbol trefedigaethol annymunol,
iselwaeliedig.
******************************
posted by WELSH REMEMBRANCERS @ 01:50
<< Home